من يومين كنا رايحن أرض شريف بوسط البلد لشراء تكييف للمسجد اللى عندنا وكان معانا فضيلة الشيخ محمد على رئيس ا لجمعية الشرعية سابقا ومؤذن المسجد أبو محمد وطبعا وقفنا تاكسى عشان يوصلنا وكنت أنا وفضيلة الشيخ بنتناقش فى مسألة معينة لحد لما السيرة جت فى البلد وحال البلد والراجل سواق التاكسى انفتح وقال حسبى الله نعم الوكيل فى البلد دى واللة ماسكينها وقعد يحكى عن عن التاكسى ومشاكله ومضايقات الشرطة والحكومة والحكاوى اللى كلنا عارفينا وبنسمعها فى المواصلات وفى كل مكان حتى المدرسة والراجل من حرقة دمه قام مطلع من جيبه البطاقة وكارنيهه وقال أنا ياجماعة أصلا منتج بشركة صناعية واشتغلت سواق تاكسى عشان مش عارف أعيش وأكفى بيتى وهاتك ياحكاوى وفى الأخر كان هيبوس إيد الشيخ وقاله بالله عليك ياشيخ والله العظيم أنا صادق فى كلامى أنا عاوز قنبلة من عندكم وأنا أعمل عملية إرهابية فى ميدان التحرير ببلاش ومن غير ما أخد منكم أى فلوس وطبعا كلنا انخرطنا فى الضحك وشر البلية ما يضحك ورد أبو محمد المؤذن ةقاله إبقة تعالالنا المسجد واحنا نديلة شنطة قنابل وهكذا المصريين على صفيح ساخن ومحدش عارف الراجل سواق التاكسى ده كلامه صحيح والا بيقوله كدة؟ وإن بيقوله كدة وخلاص من زهقه وهمه ياترى غير ممكن يعملها بجد من اللى عايشه وشايفه؟ نسأل الله عزوجل أن يرفع الغلاء والبلاء عن هذا البلد وأن يفرج عنه قريبا وربنا يستر .
11 comments:
السلام عليكم ورحمة الله وبركاته
تصدق يا وليد
انى قرأت لفهمى هويدى مقاله
بيقول ان فى سواق تاكسى قال لواحد صاحبه
كان بيوصله لمنطقه راقيه فى 6 اكتوبر
هيجى يوم ونحرق اصحاب الفيللا دى
والراجل نسى من فزعه تليفونه ..المحمول الغالى جدا
فتصل بالسائق
فقال له
بقوله هنحرق الفيللا يبقى هاديك التليفون وضحك..وقفل السكه فى وشه
المشكله هنا ياوليد ان الموضوع بقى اننا مرعوبين من افكار الناس
والشائق اللى طلب قنبله منكم لمجرد انك بلحى..وجلباب
صنفتم ارهابين وومعاكم قنابل
الفكطر اختلف
علشان كده ..والله الواحد مرعوب من بكره
ربنا يستر
وده موقف من مواقف كتييره
عندما يسود الفساد ماذا تتوقع؟؟
ربنا يخرجنا منها على خير
السلام عليكم ورحمه الله
حقيقى الوضع يخوف
وعلى فكره كتر الكبت يولد الانفجار
الشعب المطحون ده مش هيفضل كده كتير
لازم هينفجر
بس للاسف
هينفجر فى نفسه
وهناذى بعض
الى دايقنى مش كلام السواق
بس الفكره الى واخدها عن اى واحد شيخ وبدقن
انه معاه سلاح
يعنى ارهابى
ده فعلا الى دايقنى
ربنا يطلعنا منها على خير على راى امى الحبيبه
وعليكم السلام ورحمة الله وبركاته أمنا الكريمة أم البنات
من رأيى إن كلام حضرتك سليم ورؤية صحيحة الناس فعلا بقى عندها أفكار مختلطة والراجل فعلا زى ما انتى بتقوللى طلب مننا قنبلة على أساس إننا إرهابين لمجرد اللحى لكن يمكن بيقول كدة برضه عشان الأفلام هى اللى بتقول كدة اللى شوهت صورة المسلمين للك أنا أرى إن الإعلام هو السبب الرئيسى فى تشويه الصور واختلاط الأفكار والناس بتنقل وخلاص وربنا يخرجنا منها على خير زى ماحضرتك ما قولتى
لكن المرعب فعلا هو احتقان الناس بمختلف معتقداتهم وميولهم على حال البلد والحالة الإقتصادية الخطيرة اللى بتمر بيها مصر وطالما هناك اتفاق واحتقان من كافة شرائح المجتمع يبقى بجد ربنا يستر يعديها على خير
جزاكى الله كل الخير على مرورك الكريم
مرحبا أختى الكريمة أسماء
كلامك سليم والناس خلاص أصبحت على صفيح محمى وليس ساخن وربنا يسترها ويسلم
جزاكى الله كل الخير
اخي وليد
رغم ان معني كلامك الصفيح الساخن او البركان الخامد الذي تحيا في البلاد لكن هناك رؤيه اخري رايتها من خلال حديثك
لماذا توقع سائق التاكسي انك أرهابي
هل لانه وجد معك فضيله الشيخ ووجد الزي الاسلامي
هل ماذال يري كل الناس او اغلبهم كل الملتزمين ارهابين
الله اعلم
اولا اشكر زيارتك لمدونتى
ثانيا المشكلة فى مصر مشكلة افكار اولا وطول ما احنا ماشين ورا ان انت مسلم وانت مسيحي هيبقى حال المصريين يغم فين ايام العشرينات حتى اواخر الاربعينات اللى شهدت مصر فيها قمة الليبرالية وكانت الوزارة بتتكون من كل الوان الطيف وكل المملل مادام الجميع اقباط اى مصريين
الشئ التانى الزى اللى انتو بتلبسوة وما ارتبط بية من سلوكيات دامية ضد المصريين وغيرهم هوا اللى خلى سواق التاكسى يربط بينكم وبين القنابل والمفرقعات
معلش انا اتعلمت اقول رأى بصراحة
تحياتى
قنبله واحده بس ؟؟
:ker:
الأخ الحبيب تامر خليفة مرحبا بك
بالنسبة لرؤية السائق لنا كأرهابيين فهى نظرة مقتبسة من التزييف الإعلامى الصريح والمعروف لنا جميعا وأيضا بسبب أحداث التسعينات الشهيرة بالعمليات الإرهابية فى مصر ومن هنا جاءت تلك النظرة وسأضرب لك مثال هناك مثلا حركات المقاومة الإسلامية كحماس مثلا فهناك هجوم إعلامى واسع غربى على أنها حركة إرهابية ونفس المثال الشيشان وحركات المقاومة العراقية وهكذا أعتقد أنك فهمتنى صديقى
مرحبا أخ ميدوس
خلاص بانت الرؤية بأنك نصرانى ولست مسلما لذلك فن أستطيع مناقشتك ومرحبا بك مرة أخرى
يا أهلا بيكى يارضوى مرة أخرى
لو عاوزة قنبلة أأمرى القنابل كتيرة والحمدلله
ههههههههههه
تخيلت طريقة سواق التاكسي
وهوه بيطلب منكم القنبله
........
فعلا الي شدني ان السواق اعتقد انه مركب معاه ارهبايين
واكبد معاهم قنابل
..........
منهم لله الي شوهو صورة الاسلام والمسلمين
سواء اعلام او ارهاب
اوحتي رجال دين ليس لهم صله بالدين
Post a Comment