ومنين بيجى الكلام
وازاى يوفينى
لو أجى والا أنام
روحك تدفينى
أغيب ساعات بالسنة
وابعت كلام معسول
واندم واجيلك أنا
ألاقيكى قبل وصول
يا صابرة يامؤمنة
يا واصلة الموصول
المرة مش منقول
إذ لم تسامحينى
بالله تسامحينى ....
ياضحكة سن إنسانى
يا بسمة نورك الباهى
لايمكن أظن تنسانى
واروح على فين؟ إذا ماهى !!!
بتكسرى أن زنزانى
عشان بصمودى تتباهى
وتاخدى منى .. تدينى
........ وحشتينى ..
تبارك لما تبتسمى
بيبقى للأمل فتوحات
ولا بقلمى ولا رسمى
لكن انتى كدة بالذات
واه لو تنطقى إسمى
وبتسامحى جميع ما فات
يا حور الجنة ... نادينى
.... وحشتينى ...
18 comments:
ج م ي ل ه
ج د ا
ج د ت
ر و ع ه
عود احمد للمدونه والتدوين
هذه المرة تركتنا ولم نعرف السبب وقد أخبرنا بعض المشرفين أنك لم تفصح هذه المرة عن سبب رحيلك عموما نتمنى لك التوفيقأخ وليد
محبين لك
بالمناسبة جميلة جدا الكلمات دى
هذه المرة تركتنا ولم نعرف السبب وقد أخبرنا بعض المشرفين أنك لم تفصح هذه المرة عن سبب رحيلك عموما نتمنى لك التوفيقأخ وليد
محبين لك
بالمناسبة جميلة جدا الكلمات دى
ممكن ترجع الحاره
بعد اذنك
لازم ترجع
الأخ أو الأخت صاحب أو صاحبة الرد الأول المتقطع
شكرا جزيلا على الكلمات الطيبة
الأخ أو الأخت صاحب أو صاحبة إسم ( حارة زعتر )
بارك الله فيكموشرف لى دعوتكم للعودة للمنتدى لكن أنا أصبح وجودى غير مرغوب فيه فى المنتدى والبعض صرحلى بكدة وأنا معرفش ابدا أكون سبب ضيق حد بسبب وجودى عموما حارة زعتر مش هتوقف على وليد ولاغير وليد واهى الناس نسيتنى وعادى يعنى وربنا يوفقك الجميع
الأخ أو الأخت صاحب أو صاحبة الرد الأخير
متشكر جدا على الشعور النبيل ودعوتى للعودة وانا شرحت فى الرد السابق على نفس السؤال وحقيقى أنا أصبحت غير مرغوب فيه وأحب أصحح معلومة أنا الناس كانت فاكرانى سبت المنتدى عشان زينهم الحلاق ولما مشى زى ماقاللى المشرفين طالبوا برجوعى لكن أنا مسيبتوش عشان زينهم وبالمناسبة تم توجيه الدعوة ليا لحضور إفتتاح مكتبة زينهم لكن أنا رفضت لإنى باحترم مبادئى ومعرفش أكون بوشين فى المنتدى حاجة وبرة حاجة معلش وجعت دماغكم لكن أنا أقل من إنكم تهتموا بيا ياجماعة والله وحبكم ليا وسام على صدرى سواء عن طريق الماسينجر أو الموبايل أو حتى فى مدونتى المتواضعة وجزاكم الله كل الخير
بيتهيألى الردود بعدت شوية عن الموضوع عموما أتمنى تكون عجبتكم
ا أصبح وجودى غير مرغوب فيه فى المنتدى والبعض صرحلى بكدة وأنا معرفش ابدا أكون سبب ضيق حد بسبب وجودى
.............
بداية جميلة كلماتك كما اعتدتنا منك فى حارتنا
ثانيا بخصوص ماذكر فوق
قرأت الكلمات التى اشرت اليها
ولكن لم تكن انت المقصود
اعلم ماحدث وماجعلك تبتعد عن المنتدى
لكن صدقا لم تكن انت المقصود
وستكتشف ذلك بمرور الوقت
تحياتي
حارة زعتر
دلوقتى عرفت صاحب إسم حارة زعتر رغم إنى مكنتش متوقع نهائى ورغم كدة بعتذر من كل قلبى وملوش لازمة يتقال إنى مكنتش المقصود لإن أنا فعلا المقصود وعموما مسألة رجوعى للمنتدى بقت بايخة قوى بصراحة أمشى وأرجع وامشى وارجع تانى مش كدة؟
ده الناس زهقت منى وانا مهما كبرت صغير بس دى مش أغنية عمرو دياب ههههههه ده شعور داخلى وعموما تحياتى لكى من كل قلبى وأتمنى متسببش المدونة أى ضيق أو خنقة لأى حد يارب ولو طلبتوا أمشى من المدونة هنفذ والله وربنا يبارك فيكم جميعا
لا
حارة زعتر غير الشخص الجهول
:D
ممكن تعتبرها فتره تغيب ثم رجوع
لم تذكر انك سترحل
فما المانع من الرجوع اذا؟؟؟؟
يعني يبقى زعتر والمدونه كمان .....؟
هذا لايرضينا ابدا ..
ولا يرضي احد...
رجاء اخر
نتمنى عودتك قريبا ...
أستاذ وليد بعثنا لك رسالة خاصة لكى تقوم بالإشراف على أحد الأقسام بالمنتدى لكن يبدو أنك لم ترى الرسالة والإشراف متوقف على موافقتك ونرجو قبولها والرد علينا وتحياتنا لك
إيه الجمال ده يا ابو النجوم
والله أنا فى قمة الإحراج والخجل وحاسس إن مستاهلش الإهتمام ده لكن صدقا بعيدا عن أى سبب لإبتعادى عن المنتدى أنا بحس فعلا إنى غريب ومش حاسس إنى زى زمان يمكن عشان إسمى اتغير أو حاجة زى كدة ثم إن أرائى ومشاركاتى تحت المجهر عموما أنا ممكن أرجع المنتدى فى حالة واحدة بس وانا عارف إن الطلب ده هيرفض ورفضه الأخ اللى مسمى نفسه السندباد المصرى وهو رفع الإيقاف عن إسم (waleed )
لإنى مش هاسمح لنفسى أدخل بأسم غيره إن رجعت المنتدى وإن رجعت فهو تحقيقا لرغبتكم وإخضاعا لها فقط وبكررها حارة زعتر مش هتقف على وليد واسألوا اللى مشيوا ويكفينى حبكم
فريق عمل أكت أنا قرأت الرسالة ورديت عليها برفضى الإشراف وجزاكم الله كل الخير على ثقتكم وقد أوضحت الأسباب
فلان الفلانى نورت مدونتى
بجد كلاماتك جميلة واتمنالك التوفيق
يمكن تكون اول مرة اجى المدونة الجميله دى
وتقبل وجودى
بس كلماتك جميلة
وربنا يوفقك
Post a Comment